選購 Router 要注意甚麼？雙頻、三頻、Wi-Fi 制式、LAN 接埠全部都是重點

對於不是專注於科技的朋友來說，Router 只不過是一台黑色方型，令電腦、手機等可以上網的機器，往往都認為市場上有無數款式的 Router，而且「部部都係一樣」，但事情真的是這樣簡單嗎？通常很多人在買 Router 的時候，第一個問題都會係「這台 Router 上網快嗎」，想知部機快唔快，大家首先要識睇當中既規格，今日就同大家分享選購 Router 的重點！

雙頻 2.4GHz & 5GHz 是甚麼？

選購時，大家可以先從包裝盒上面見到 2.4GHz 及 5GHz 這類數字入手，這兩組數字係代表了兩個頻道，分別就係 2.4GHz 速度較慢但係佢既訊號強，夠力穿牆，所以穩定性會較高，而 5GHz 睇個數字就知比較快，但弱點就係穿牆能力較差。

ACXXXX 是甚麼？

認識了 2.4GHz 與 5GHz 之後，大家想知部機快唔快，就可以睇埋另一組寫住「ACXXXX」如「AC2600」等，其實這組數字就是代表這台機的最高速度可以達到 2600Mb，當然數值越高，代表了速度越快。

如果要再進一步講解的話，就是其理論值為「800 + 1800Mbps」。前者 800Mbps 就係 2.4GHz 頻道中的最高理論值，而後者 1800Mbps 就係 5GHz 中的最高理論值。

至於「AC」又是甚麼呢？它是代表了該台機配備了現時主流採用的 Wi-Fi 5 （802.11ac）制式。但隨着科技的發展，最新的無線制式已經推出了 Wi-Fi 6，速度也大幅增加之外，也能支援多裝置的連接，更適合未來智能家居的發展。

雙頻、三頻怎麼選？

除了主流的雙頻機之外，大家仲會聽到三頻 Router，三頻就是原有的兩條頻道之外，仲多出一條 5GHz 頻道。按理，大家都會以為三頻會比雙頻快，一定會選三頻，實情是多出的 5GHz ，目的是為了組建最新的網狀形網絡「 Mesh Wi-Fi 」而設。

Mesh Wi-Fi 是由兩台或多台的上網裝置組成，由主機 Router 搭配一台或多台衛星分機，透過無線訊號中的節點（Node）連接，就像是織成一個好既網，從而讓 Wi-Fi 網絡擴展覆蓋範圍，而多出的 5GHz 頻道就是留作 Router 主機與分機裝置作為無線連接的專用通道，令其餘兩條頻道留作其他裝置，如電腦、手機上網，同時也保持原有的網速不減。

用 Mesh Wi-Fi 就係唔駛接 LAN 線

Mesh Wi-Fi 除左擴大 Wi-Fi 覆蓋之外，仲有一個優點，就係主機同分機之間係可以唔駛拉 LAN 線，即係話靠 Wi-Fi 就可以做到無線連接，對於擺位及電線佈局黎講，絕對係更加靈活同方便，只需要接上電源，就即刻可以用，而且好多品牌多係用 APP 就做到設定，唔識科技都無問題。

至於雙頻同三選點樣揀？建議大家如果不是組建 Mesh Wi-Fi ，而且屋企只係數百呎，其實揀一部雙頻 Router 已經好夠用，但如果屋企大到七百至千呎或是多層的村屋，咁就建議選用三頻 Mesh Wi-Fi 的 Router，大家可以根據需要而從中選擇。

LAN 口數量好重要 有埋 USB 就更加好

最後，大家可以留意部 Router 有幾多 LAN 接口，雖說大多數人用 Router 都係為左放 Wi-Fi 俾其他機上網，但 Wi-Fi 連接始終唔及用實體既 LAN 線連接穩定，而且部份舊式的裝置如 Printer 亦未必有 Wi-Fi 功能，所以 LAN 連接都係好緊要，部份 Router 唔止有 4、5 個 LAN 插口，仲會有埋 USB 插口，可以做到網路共享列印、資料共享以及共同儲存區。

大家下次要買 Router 既話，不妨參考下依幾點，相信你一定可以買到好用又岩既機，又會知道唔係部部 Router 都係黑色一個盒了。

查詢：Netgear 網上旗艦店